Kandidati për deputet në Kuvendin e Kosovës nga radhët e AAK-së, Arbër Tolaj i cili mban numrin 5 në listë, është lajmëruar pas tubimit madhështor në Istog ku morën përkrahje masive.
Tolaj tha se në këtë tubim ndjeu forcën e vërtetë të qytetarëve dhe mbështetjen për programin e AAK-së.
“Mbështetja masive për programin e AAK-së nuk është vetëm votë, por është besim në një vizion që vendos qytetarin në rend të parë.
Istogu gjithmonë ka ditur ta dallojë punën dhe përkushtimin. Energjia që morëm sonte është dëshmia më e mirë se ideja jonë fituese tashmë ka marrë rrugë dhe nuk ndalet”, tha Tolaj.
Tolaj gjithashtu shtoi se motoja e tyre “Krah teje”, nuk është thjesht një premtim elektoral, por është zotimi që do të jenë pranë qstetarëve në çdo sfidë.
“Programi ynë ofron zgjidhje konkrete për zhvillim ekonomik, siguri dhe mirëqenie, duke dëshmuar se jemi e vetmja forcë që di dhe guxon të shtyjë proceset përpara. Faleminderit nga zemra për këtë pritje vëllazërore”, tha Tolaj.
