”Urime llapjanë”, përurohet shërbimet e reja specialistike në Poliklinikën e Podujevës, Bulliqi: Investim i rëndësishëm

Kryetari i komunës së Podujevës i cili rikandidon në zgjedhjet e 12 tetorit, Shpejtim Bulliqi, bashkë me Kryeministrin Albin Kurti, Ministrin e Shëndetësisë Arben Vitia, drejtorin e SHSKUK-së Elvir Azizi, drejtoreshën Adelina Stublla, bashkëpunëtorë tjerë, personel mjekësor e qytetarë përuruan shërbimet e reja specialistike në Poliklinikën e Podujevës.

Nga sot, qytetarëve tanë do t’u ofrohen 15 shërbime të reja shëndetësore në Podujevë nga mjekë specialistë në fusha të ndryshme, duke përfshirë: kardiologjinë, gjinekologjinë, reumatologjinë, endokrinologjinë, hematologjinë, gastroenterologjinë, nefrologjinë, pulmologjinë, ortopedinë, pediatrinë, neurologjinë, si dhe kirurgjitë abdominale, torakale dhe vaskulare, përfshirë urologjinë.

“Çdo ditë pune, nga e hëna deri të premten, në këtë Poliklinikë do të jenë aktive katër ambulanca specialistike nga ora 08:00 deri në 14:00, duke e bërë shërbimin më afër dhe më të qasshëm për qytetarët.

Ky është një investim shumë i rëndësishëm për shëndetësinë në Podujevë, i cili së bashku me repartin e Hemodializës e ngrit Poliklinikën tonë në një nivel të ri shërbimi. Urime të gjithë qytetarëve llapjanë!”, tha Bulliqi.