Shpejtim Bulliqi krah Kurtit e Ahmetit merr pjesë në zbulimin e shtatores së heroit Zhitia: Intelektuar guximtar

Kandidati i VV-së, Shpejtim Bulliqi sot krah kryetarit ti tij, Albin Kurti e kryetarit të BDI-së, Ali Ahmeti, mori pjesë në zbulimin e shtatores së heroit të kombit, Afrim Zhitia, në fshatin Llugë.

Bulliqi teksa ia njohu kontributet e jashtëzakonshme të heroit Zhitia, foli edhe për pamjen që mori pamja përreth që u ndiqua me vendosjen e shtatores së tij.

“Me këto investime të realizuara nga bashkëpunimi ynë me Ministrinë e Mjedisit, Planifikimit, Hapësinor dhe Infrastrukturës obelisku dhe hapësirat përreth morën pamjen dinjitoze që e meriton kujtimi për Afrim Zhitinë duke u shndërruar në një hapësirë të denjë për nderimin e veprës së tij”.

“Afrim Zhitia përveçse luftëtar i lirisë, ishte edhe një intelektual i përmasave të mëdha, i cili përveç pushkës, kishte gjithmonë pranë edhe lapsin. Afrimi ishte i lidhur ngushtë me atdheun, me mendimin e tij strategjik hartoi rrugën drejt organizimit të qëndresës. Ai bashkoi dimensionin e mendimit të thellë intelektual me guximin e paepur në front, duke u bërë shembull i gjallë se si ideja dhe veprimi shkojnë krah për krah në shërbim të çlirimit kombëtar.

Lavdi e përjetshme Afrim Zhitisë! Lavdi të gjithë dëshmorëve të kombit!”, tha Bulliqi.