Policia e Kosovës dhe Dogana e Kosovës kanë parandaluar sot një rast të mosdeklarimit të mjeteve monetare në Pikëkalimin Kufitar Dheu i Bardhë.
Gjatë kontrollit të detajuar të një autobusi të linjës ndërkombëtare, autoritetet kanë gjetur dhe sekuestruar 100 mijë euro, të ndara në 500 kartëmonedha nga 200 euro.
Sipas Policisë, paratë nuk i ishin nënshtruar procedurave të detyrueshme të deklarimit.
Mjetet monetare janë sekuestruar, ndërsa ndaj personit përgjegjës është iniciuar procedurë për kundërvajtje doganore.
Policia e Kosovës ka theksuar se bashkëpunimi me Doganën do të vazhdojë me qëllim të zbatimit të ligjit dhe garantimit të sigurisë financiare në vend.
