Hajdar Berisha rrëfen momentet e dhimbshme të luftës: Ushtari i ri në vijë të parë me vetëm tre fishekë..

Ish-ushtari i Ushtrisë Çlirimtare të Kosovës, Hajdar Berisha, ka rrëfyer një moment të dhimbshëm nga lufta, duke përshkruar sakrificat dhe mungesën e mjeteve me të cilat përballeshin luftëtarët në vijën e parë të frontit, raporton Demos.

Në një rrëfim prekës për GazetaDemos ai tregon për një ushtar të ri, i cili ndodhej në vijën e parë me vetëm tre fishekë dhe kërkoi ndihmë për më shumë municion.

“Një djalë i ri më tha: ‘A ki bre do fishekë me mi dhanë si dhuratë?’ Kur e pyeta sa kishte, më tha: ‘Vetëm tre i kam’,” kujton Berisha, duke treguar për vështirësitë ekstreme me të cilat përballej UÇK-ja gjatë luftës.

Por dhimbja më e madhe për të erdhi kur mori lajmin për rënien e Shkëlzen Haradinajt. Ai thotë se ndodhej i plagosur në Rugovë kur dëgjoi lajmin dhe nuk arriti të qëndronte në këmbë nga tronditja.

“Nuk më kanë mbajtë këmbët e mia. Kur e kam marrë lajmin për Shkëlzen Haradinajn, më janë lëshuar të dyja këmbët. Ai ka qenë gjithçka për ne – komandant, prind, vëlla, gjithçka që mund të dëshiroje,” rrëfen ai tutje.

Rrëfimi i plotë: