Refuzimi i kërkesës së Thaçit për ta vizituar babanë nga Specialja, Selimi: “Konfirmon se kjo gjykatë nuk është e Kosovës”

Gjykata Speciale ka refuzuar kërkesën e Hashim Thaçit për të vizituar babanë e tij, i cili ndodhet në gjendje të rëndë shëndetësore.

Ish-zëvendësministri i Punëve të Jashtme, Petrit Selimi, e ka cilësuar këtë vendim si jo njerëzor dhe dëshmi se kjo gjykatë nuk vepron mbi parimet e drejtësisë dhe humanizmit.

“Fakti që Gjykata nuk e sheh të arsyeshme, në nivel njerëzor e humanitar, që Hashim Thaçi ta vizitojë babanë e tij, qoftë edhe me masa të rrepta sigurie dhe për një kohë të shkurtër, tregon edhe më shumë dhe konfirmon atë që tashmë dihet.

Kjo gjykatë nuk është e Kosovës dhe nuk ka të bëjë me drejtësinë, por thjesht po i mban të akuzuarit në një arrest të pafund dhe të paligjshëm”, deklaroi Selimi, transmeton Klankosova.tv.

Ndiqni intervisten e plotë, në videon e mëposhtme: