Zelensky: Dhimbja e mikut tonë, popullit turk, është dhimbja jonë

Presidenti ukrainas Volodymyr Zelenskyy ka thënë se është “thellësisht i pikëlluar” nga lajmi për shpërthimin që ua mori jetën gjashtë personave në Stamboll.

Ai, përmes një shkrimi në Twitter, shprehu ngushëllime viktimat dhe ka uruar shërim të shpejtë për të lënduarit.

“Me pikëllim të thellë mësova lajmin se nga shpërthimi që ndodhi në rrugën Istiklal, humbën jetën dhe u plagosën shumë njerëz. I shpreh ngushëllimet e mia familjeve të atyre që humbën jetën dhe u uroj shërim të shpejtë të lënduarve. Dhimbja e mikut tonë, popullit turk, është dhimbja jonë”, ka shkruar Zelensky në Twitter.