Vdekja në moshë të re e mjekut, reagojnë nga Komuna e Gjakovës e nga Ministria e Shëndetësisë

Për vdekjen e mjekut Mentor Salihi kanë filluar reagimet nga institucionet lokale e qendrore, të cilët po u shprehin ngushëllimet e tyre familjarëve të mjekut, shkruan GazetaDemos.

Përmes një shkrimi në Facebook, ministri i Shëndetësisë, Rifat Latifi ka dërguar ngushëllimet e tij tek familjarët e kolegët e Mentor Salihut dhe Skofiar Gjini, që vdiqën si pasojë e aksidentit të rëndë me autombulancë.

“Ata do të kujtohen si profesionistë që i shërbyen me përkushtim jetës së qytetarëve deri në momentin e dhimbshëm të ndarjes nga jeta, thuhet në mesazhin e Ministrit Latifi drejtuar familjarëve, kolegëve dhe miqve të Mentorit e Skofiarit”, thuhet në reagimin e tij.

Ndërsa, edhe nga Komuna e Gjakovës kanë reaguar për vdekjen e tij, të cilët kanë shkruar se kjo humbje është e rëndë për tërë Gjakovën.

“Humbja e tij e hershme është goditje e rëndë jo vetëm për familjen, miqtë dhe bashkëpunëtorët, por për tërë komunën e Gjakovës”, thuhet mes tjerash në njoftimin e tyre.