Varroset në Mekë haxhiu Adnan Arifi

U varros në Mekë haxhiu Adnan Arifi, shkruan Demos.

Lajmi u bë i ditur nga familjarët e të ndjerit.

NJOFTIM NGUSHËLLIMI

Me pikëllim të thellë njoftojmë se pas kryerjes së obligimit të shenjtë të haxhit, ka ndërruar jetë papritur haxhiu Adnan Arifi nga fshati Pirok, i lindur në vitin 1967.

Pas dakordimit me familjarët, i ndjeri është varrosur në varrezat e Mekës, në tokën e bekuar ku zemrat e besimtarëve drejtohen me mall e lutje.

Lusim Allahun e Madhëruar ta mëshirojë me mëshirën e Tij të pafundme, ta pranojë haxhin e tij dhe ta bëjë prej banorëve të Xhenetit. Familjes, të afërmve dhe gjithë besimtarëve u shprehim ngushëllimet më të sinqerta, duke lutur Allahun t’u dhurojë durim dhe forcë në këto çaste të rënda.

“Inna lillahi ue inna ilejhi raxhiun.”