Gjatë ditës së sotme, shërbimet e Policisë Kufitare të PKK Muriqan kanë raportuar se kanë ndaluar një shtetas të Kosovës, me iniciale N. F, i cili po tentonte të kalonte kufirin me automjetin e tij nga Mali i Zi për në Shqipëri.
Gjatë kontrollit të ushtruar në këtë automjet u gjetën dhe sekuestruan 11 790 euro të padeklaruara nga shtetasi N. F, shkruan GazetaDemos.
“Në përfundim të veprimeve procedurale për këtë rast, strukturat operacionale të DVP Shkodër referuan materialet në Prokurori ku nisi procedimi në gjendje të lirë për shtetasin N. F., 58 vjeç, banues në Pejë, Kosovë, për veprën penale ‘Mosdeklarimi në kufi i të hollave dhe i sendeve me vlerë’”, thuhet në njoftimin e Policisë së Shtetit.
Materialet procedurale i kanë kalua Prokurorisë pranë Gjykatës së Rrethit Gjyqësor Shkodër, për veprime të mëtejshme./Demos/