U përfshi në formacionin e vitit në Serie A, Rrahmani s’e ka ndërmend të ndalet me kaq

Qendërmbrojtësi i Napolit dhe kapiteni i kombëtares së Kosovës, Amir Rrahmani ka arritur edhe një sukses në Itali.

Rrahmani ishte ndër lojtarët kyç të Napolit në shpalljen kampion sezonin e kaluar, duke qenë lojtari më stabil në formacionin e Antonio Contes.

Qendërmbrojtësi mbrëmë në “Gran Gala del Calcio” u vendosë në 11-shen më të mirë të sezonit të kaluar në Serie A.

Pas arritjes së këtij suksesi, Rrahmani ka premtuar se nuk do të ndalet me kaq.

Në rrjetin social “Instagram”, ai ka shkruar: “Jam i bërë për më shumë”.