Futbolli brazilian është në zi pas vdekjes tragjike të talentit të ri Wanderson Brandão de Sousa, vetëm 18 vjeç, i cili humbi jetën nga një plumb që dyshohet se u shkrep aksidentalisht nga vëllai i tij më i vogël, ndërsa ky i fundit pastronte një armë.
Ngjarja ndodhi të hënën në shtëpinë e familjes në Aragoiania, në shtetin brazilian të Goiás. Sipas raportimeve lokale, policia po heton rrethanat e incidentit, ndërsa arma është sekuestruar për ekspertizë. Deri tani nuk dihet kujt i përkiste arma fatale.
Wanderson ishte mbrojtës i majtë i ekipit Aragoiania FC, dhe klubi, i tronditur nga humbja, pezulloi të gjitha aktivitetet sportive. Në një reagim në rrjetet sociale, klubi shkroi:
“Ngushëllimet tona për familjen dhe miqtë e Wanderson Brandão de Sousa. Zoti na ngushëlloftë të gjithëve.”