Shqipëria përballet me Poloninë në gjysmëfinalen e “Play Offit” të Kupës së Botës

Kombëtarja e Shqipërisë ka mësuar tashmë kundërshtarin në gjysmëfinale dhe kundërshtarin e mundshëm në finalen e madhe të ‘play-off’-it për kualifikim në Kupën e Botës 2026.

Nga ora 13:00 është hedhur shorti në Cyrih të Zvicrës, ku 16 kombëtaret evropiane që marrin pjesë në ‘play-off’ kanë mësuar kundërshtarët e tyre.

Njëra nga ekipet pjesëmarrëse është edhe kombëtarja e Shqipërisë, e cila do të ndeshet në gjysmëfinale me kombëtaren e Polonisë.

Përveç kësaj, është mësuar edhe kundërshtari i mundshëm i finales së madhe, ku do të luajnë me fituesin e ndeshjes Ukrainë-Suedi.

Ndeshjet e ‘play-off’-it do të zhvillohen në muajin mars të vitit 2026.