Cristiano Ronaldo është deklaruar pasi mori vendimin që të largohet nga grumbullimi me kombëtaren portugeze akoma pa përfunduar cikli i ndeshjeve.
Përmes një postimi në rrjetet e tij sociale, Ronaldo ka thënë se ka marrë vendimin që të largohet nga grumbullimi pas konferencës së trajnerit dhe një bisede me presidentin e federatës.
Ronaldo ka thënë se në të ardhmen do ta tregojë arsyen e vërtetë për këtë veprim.
“Pas konferencës për shtyp të kombëtares dhe pas një bisede me Presidentin e Federatës Portugeze të Futbollit, kam vendosur të largohem nga grumbullimi i kombëtares. Me kalimin e kohës, do t’u tregoj të gjithë portugezëve të vërtetën rreth arsyeve që më shtynë të largohem nga kombëtarja, të cilës i jam përkushtuar gjithmonë. Tani është koha për t’u uruar fat Portugalisë dhe të gjithë shokëve të mi të skuadrës, pa përjashtim”, ka thënë ai.
