FC Drenica ka ndarë rrugët me trajnerin Bylbel Sokoli.
Lajmin e ka bërë të ditur skuadra nga Skenderaj, përmes një njotimi zyrtar.
Edhe pse ky vit ishte i suksesshëm për “profen”, ku fitoi mandatin si Deputetë i Kuvendit të Kosovës dhe si trajner e inkuadroi Drenicën në Superligë, Sokoli tashmë ka mbetur pa asnjërën pozitë.
Njoftim i plotë nga FC Drenica:
FC Drenica njofton opinionin se bashkëpunimi me Prof. Bylbyl Sokolin ka përfunduar në mirëkuptim të plotë dhe në frymën më korrekte të respektit profesional.
Klubi e falënderon sinqerisht Profesor Sokolin për të gjithë kontributin e dhënë, nga rikthimi në Superligë deri te puna e tij këtë sezon në komponimin dhe përgatitjen e skuadrës. Kontributi i tij mbetet i vlerësuar nga drejtuesit, futbollistët dhe çdo njeri që e do FC Drenicën.
Profesor Sokoli do të mbetet gjithmonë pjesë e historisë sonë dhe do të ketë respektin më të lartë nga klubi dhe komuniteti.
FC Drenica vazhdon përpara me qartësi, profesionalizëm dhe objektiva të mëdha. Klubi ynë është i përkushtuar të ndërtojë një projekt serioz, afatgjatë dhe me ambicie të qarta për të çuar Drenicën në arenën europiane. FC Drenica – Me dinjitet përpara.
