Trajneri i ri i Kombëtares së Shqipërisë, Ronaldo Maran tha se do të bëjë maksimumin e tij për të sjellë rezultate të mira në kampin Kuq e Zi.
Në një intervistë për FSHF TV ai tha se është plotësisht i përfshirë dhe ndjek me interes çdo gjë rreth Kombëtares së Shqipërisë.
“Kam parë të gjitha ndeshjet që kam mundur dhe ende tani po mundohem t’i ndjek sa më shumë të jetë e mundur, sepse kanë kaluar vetëm pak ditë nga momenti që nisi kjo histori. Ndaj jam plotësisht i përfshirë, ndjek çdo gjë me shumë interes, duke kërkuar të zbuloj sa më shumë gjëra që të jetë e mundur, sepse kemi pak kohë dhe fillojmë menjëherë. Dua t’i bëj gjërat në maksimumin e mundësive të mia”, tha Maran.
Maran tha se niveli i kuqezinjve është i mirë duke potencuar arritjet në dy Kampionate Evropiane në vitet e fundit
