Gjatë një ndeshjeje miqësore mes Inter Miami dhe Independiente del Valle, u panë skena kaotike, kur Lionel Messi u rrëzua në fushë pas përpjekjeve të disa tifozëve për të hyrë në fushë dhe bërë foto me të.
Sigurimi reagoi shpejt dhe ndërhyri për të parandaluar incidentin, duke e ndaluar tifozin që po i afroheshin.
Në rrëmujën që pasoi, pjesëtarët e sigurimit e rrëzuan pa dashje vetë Messin, duke shkaktuar habi në tribuna. Argjentinasi i famshëm përfundoi në bari, por fatmirësisht pa pasoja serioze.
Situata u qetësua shpejt, tifozët u larguan nga fusha dhe ndeshja vazhdoi normalisht. Megjithatë, momenti kur një nga futbollistët më të mëdhenj të të gjitha kohërave përfundon në tokë si pasojë e ndërhyrjes së sigurimit bëri xhiron e botës dhe u kthye në temë kryesore të mediave sportive.