Kreu i futbollit botëror, Gianni Infantino, është në një problem të ri. Qytetet amerikane pritëse të Kupës së Botës 2026 po kërkojnë miliona dollarë nga FIFA që u ishin premtuar, por që ende nuk janë paguar.
Infantino njoftoi një vit më parë se FIFA do të dhuronte nga një milion dollarë për secilin prej 11 qyteteve (Seattle, San Francisco, Los Angeles, Dallas, Houston, Kansas City, Atlanta, Filadelfia, New York/New Jersey, Miami dhe Boston) që pritën Kupën e Botës. Ai e përshkroi aktin si një “kontribut në trashëgimi”, duke shtuar se fondet do të përdoren për të ndërtuar minifusha dhe për të mbështetur “projekte sociale”.
Krerët e katër komiteteve të qyteteve pritëse në SHBA, të cilët folën për The Athletic në kushte anonimiteti, thanë se udhëheqja e FIFA-s u kishte thënë vazhdimisht se do të merrnin një kontribut prej 1 milion dollarësh, pavarësisht se organizata nuk bëri kurrë ndonjë deklaratë publike.