Hetim i madh në Itali: Dhjetëra lojtarë të elitës të përfshirë në rrjet të paligjshëm!

Një skandal i madh ka “shpërthyer” në Itali, ku një hetim i gjerë ka zbuluar një rrjet të dyshuar të paligjshëm eskortash, në të cilin pretendohet se janë përfshirë rreth 70 futbollistë profesionistë.

Sipas raportimeve, në këtë çështje përmenden edhe lojtarë nga klube të mëdha si: Juventus, Inter Milan, AC Milan, Sassuolo dhe Hellas Verona, shkruan Indeksonline

Hetimet sugjerojnë se futbollistët e Serie A kanë shpenzuar në total rreth 200 mijë euro në këtë rrjet, i cili dyshohet se përfshinte rreth një duzinë grash nga Brazili, Kolumbia dhe vende të tjera.

Raportohet gjithashtu për organizim festash private, përfshirë përdorimin e substancave si oksidi i azotit, si dhe takime të mbajtura gjatë periudhës së kufizimeve nga pandemia.

Deri më tani, katër persona janë arrestuar në kuadër të këtij hetimi, ndërsa autoritetet italiane vijojnë punën për zbardhjen e plotë të rastit.