Franco Foda komenton largimin e Amir Rrahmanit nga Kosova: Më informoi personalisht

Përzgjedhësi i Kosovës, Franco Foda, ka folur për vendimin e Amir Rrahmanit për t’u tërhequr nga Kombëtarja e Kosovës.

Foda ka konfirmuar se kapiteni i “Dardanëve” e ka informuar personalisht për vendimin e tij, duke theksuar se situata është mjaft emocionale.

“Gjithçka është shumë emocionale në Kosovë. Fakti është se Amir Rrahmani ka dhënë dorëheqjen. Ai më informoi personalisht për këtë”, ka deklaruar Foda për CANAL+.

Megjithatë, trajneri gjerman ka bërë të qartë se për ndeshjet e ardhshme do të llogarisë te të gjithë futbollistët që janë në formë dhe marrin ftesë nga ai.

“Por të gjithë lojtarët që janë në formë dhe që do t’i ftoj, do të jenë atje të hënën dhe do të përgatiten për ndeshjet së bashku me mua”, shtoi Foda