Flick flet pas eliminimit, zbulon planin e Barcelonës për trofe

Pas eliminimit nga sezoni 2025/2026 i Ligës së Kampionëve, trajneri i Barcelonës, Hansi Flick, ka zhvendosur menjëherë fokusin e skuadrës drejt objektivit për të fituar La Ligan deri në fund të sezonit.

Barcelona arriti të mposhtë Atletico Madridin me rezultatin 2-1, por nuk siguroi kualifikimin në gjysmëfinale, pasi u eliminua me rezultat të përgjithshëm 3-2. Katalanasit kishin humbur ndeshjen e parë 2-0 në ‘Camp Nou’.

Skuadra e Flick e nisi takimin në mënyrë të shkëlqyer, duke realizuar dy gola brenda 25 minutave të para dhe duke barazuar rezultatin e përgjithshëm.

Megjithatë, goli i Ademola Lookman në minutën e 31-të rezultoi vendimtar, duke i dhënë fund aventurës së Barcelonës në këtë kompeticion.

Pas ndeshjes, lojtarët e Barcelonës u shfaqën të dëshpëruar pas eliminimit nga Atletico, ndërsa Yamal tregoi lidership me bashkëlojtarët.

Duke folur për BBC, Flick e pranoi se largimi nga Liga e Kampionëve ishte i dhimbshëm, por theksoi se tashmë e gjithë vëmendja është te gara për titullin në kampionatin spanjoll, ku Barcelona ka një epërsi prej shtatë pikësh.

“Luajtëm një pjesë të parë fantastike. Duhej të shënonim më shumë gola. Ishte plotësisht e mundur. Në fund pësuam gol. Në fund të fundit, ky është futbolli. Por për qëndrimin në fushë, jam vërtet krenar”.

“Hapi i radhës është të fitojmë La Ligan. Duhet të tregojmë qëndrim dhe mentalitet. Të gjithë jemi të zhgënjyer. Për secilin, është një ëndërr e madhe të fitojë Ligën e Kampionëve”.

“Për mua nuk ka rëndësi kur e fitojmë La Ligan. Unë dua ta fitojmë. Nuk ka rëndësi dita kur e sigurojmë titullin. Tani mund të fokusohemi plotësisht te La Liga”, ka thënë Flick.