Dy herë kampioni i botës në boks vritet me armë zjarri jashtë shtëpisë së tij

Kampioni i dyfishtë i botës, Zolani Tete, është qëlluar për vdekje jashtë shtëpisë së tij në Afrikën e Jugut.

38-vjeçari u vra të premten në atë që është përshkruar si një pritë në Mdantsane, në provincën e Kepit Lindor, shkruan BBC

Autoritetet bënë të ditur se Tete ndodhej në makinën e tij dhe po priste që të hapej porta e shtëpisë, kur dy të dyshuar të armatosur dhe me maska ​​dolën nga një automjet dhe qëlluan disa herë në drejtim të tij dhe të një pasagjereje 27-vjeçare, e cila ndodhet ende në spital.

Ministri i Sportit, Arteve dhe Kulturës i Afrikës së Jugut, Gayton McKenzie, deklaroi:

"Afrika e Jugut ka humbur një nga luftëtarët më të shkëlqyer që ka nxjerrë ndonjëherë."

Dy të dyshuarit u larguan nga vendngjarja dhe ka nisur një hetim i gjerë, shtoi McKenzie.