Skuadra e Bashkimit ka shënuar fitore në kryeqytet, duke mposhtur Sigal Prishtinën me rezultat 77:87 në kuadër të xhiros së njëzet e pestë të Superligës së Kosovës në basketboll.
Prizrenasit kanë dominuar në momentet vendimtare të ndeshjes, duke siguruar një fitore me dhjetë pikë dallim, që i afron shumë drejt vendit të dytë në tabelë, pozitë që garanton kualifikimin direkt në gjysmëfinalet e “play-off”.
Në anën tjetër, Sigal Prishtina vazhdon të kalojë një periudhë të vështirë, duke pësuar humbjen e gjashtëmbëdhjetë këtë edicion. “Bardhekaltrit” do të kenë edhe tri ndeshje vendimtare deri në fund, në përpjekje për të siguruar pjesëmarrjen në garat shtesë.
Më i dalluari te Bashkimi ka qenë Shanon Shorter me njëzet e pesë pikë, pesë kërcime dhe pesë asistime, ndërsa kontribut të rëndësishëm ka dhënë edhe Lejson Zeqiri me pesëmbëdhjetë pikë, shtatë kërcime e pesë asistime. Po ashtu, Dequon Lake ka shtuar pesëmbëdhjetë pikë dhe tetë kërcime.
Te vendasit, më i miri ka qenë Alex Lomax me nëntëmbëdhjetë pikë, shtatë kërcime dhe dhjetë asistime, ndërsa Adrio Bailey ka kontribuar me tetëmbëdhjetë pikë dhe shtatë kërcime.
Pas kësaj fitore, Bashkimi forcon pozitën e dytë me dyzet e dy pikë, ndërsa Trepça mbetet lidere me dyzet e shtatë pikë. Në anën tjetër, Sigal Prishtina renditet në vendin e gjashtë me tridhjetë e katër pikë.
