Agim Ademi falenderon Sllovakinë: Respektuan simbolet tona, organet e rendit na përcollën me profesionalizëm deri në aeroport

Kryetari i Federatës së Futbollit të Kosovës Agim Ademi, e ka falenderuar Federatën e Sllovakisë për mikpritjen dhe për fair-play-in gjatë ndeshjes së mbrëmshme, ku Kosova shënoi fitore me rezultat prej 3-4.

Ndër tjera, ai ka falenderuar edhe organet e rendit të Sllovakisë, e gjithashtu edhe publikut në stadium, i cili sipas tij i respektoi simbolet e Republikës së Kosovës.

Ademi gjithashtu ka falenderuar edhe mërgimtarët në Sllovaki, teksa falenderim pari edhe për përkrahjen e madhe të Dardanëve.

Postimi i plotë:

Mirëmëngjes, Kosovë!

Dua të ndaj publikisht falenderimin për Federatën e Sllovakisë për mikpritjen dhe për fair-play-in gjatë ndeshjes.

Po ashtu, një falënderim i veçantë

shkon për organet e rendit, të cilat na kanë përcjellë me korrektësi dhe profesionalizëm të lartë, që nga aeroporti e deri në përfundim të vizitës sonë.

Faleminderit publikut në stadium që respektoi simbolet tona dhe himnin e Republikës së Kosovës.

Një mirënjohje e sinqertë edhe për qytetarët e Bratisllavës, të cilët mikpritën bashkatdhetarët tanë që këndonin dhe brohorisnin nëpër kafiteri.

Falënderim për të gjithë pronarët e kafiterive, të cilët gjatë këtyre dy ditëve krijuan një atmosferë ku frymonte shqip, me këngë dhe emocione të paharrueshme.

Dhe mbi të gjitha, faleminderit të gjithë Dardanëve për përkrahjen!

Kosova është e të gjithëve dhe së bashku do ta çojmë përpara!