Sorensen takon ndaras Elekun dhe Rashiqin: Pata diskutime të mira për dëshirat dhe shqetësimet e serbëve

Emisari i BE-së për dialogun Kosovë-Serbi, Peter Sorensen, ka njoftuar se në takime të ndara ka diskutuar me partitë serbe që fituan ulëse në Kuvendin e Kosovës.

Në Prishtinë ai u takua me kryetarin e Listës Srpska, Zlatan Elek dhe me kryetarin e Partisë për Liri, Drejtësi dhe Mbijetesë, Nenad Rashiq, i cili aktualisht është ministër në Qeveri.

“Pata diskutime të mira të ndara me partitë që fituan mandate në zgjedhjet e fundit sipas rezultateve zyrtare Lista Srpska dhe Partia për Liri, Drejtësi dhe Mbijetesë, për pozitën, shqetësimet dhe dëshirat e serbëve të Kosovës në Kosovë”, ka shkruar Sorensen në X.

Had good separate discussions with the parties who won seats in the last elections according to the official results @srpskalista and @nenadrasic_zspo about the position, concerns and wishes of the Kosovo Serbs in Kosovo. pic.twitter.com/hmJqM5aBQm

— EUSR for Belgrade-Pristina Dialogue (@EUSR_Dialogue) March 19, 2025