Të martën, zgjedhjet shtetërore dhe lokale në Amerikë shërbyen si testi i parë i madh për atë se kah është i rreshtuar publiku për mandatin e dytë të presidentit Donald Trump, përpara zgjedhjeve të mëdha kombëtare vitin e ardhshëm.
The Washington Post ka renditur fituesit dhe humbësit e këtyre zgjedhjeve.
Fituesit
Demokratët shënuan fitore në katër garat kryesore të natës: garën për kryetar bashkie të qytetit të Nju Jorkut, garat për guvernator në Nju Xhersi dhe Virxhinia dhe Propozimin 50, masën e votimit për rindarjen e zonave zgjedhore të Kalifornisë.
Votuesit në Kaliforni ranë dakord t’u lejonin demokratëve të ripërcaktonin zonat e tyre kongresive për t’u përputhur me republikanët që bëjnë të njëjtën gjë në shtete të tjera.
Demokratët fituan gjithashtu në zgjedhjet shtetërore dhe lokale në Xhorxhia dhe Misisipi dhe zgjeruan shumicën e tyre në legjislaturën shtetërore të Virxhinias, transmeton Klankosova.tv