Vdes papritmas ambasadori i Rusisë në Shtetet e Bashkuara, Alexander Darchiev

Ambasadori i Rusisë në Uashington, Alexander Darchiev, ka vdekur në moshën 66-vjeçare, tha të mërkurën Ministria e Jashtme e Rusisë. Shkaktari i vdekjes së tij nuk është konfirmuar publikisht.

Darchievi “vdiq papritmas”, thuhet në deklaratën e Ministrisë së Jashtme, e cila diplomatin e përshkroi si “profesionist të jashtëzakonshëm”, raporton televizioni CNN.

“Alexander Darchiev shërbeu në njërën nga fushat më kërkuese të politikës së jashtme ruse. Ne ua shprehim ngushëllimet tona më të thella dhe më të përzemërta familjes dhe të dashurve të Darchievit” – thuhet më tej.

Presidenti rus, Vladimir Putin, e kishte emëruar Darchievin si ambasador në Uashington në marsin e vitit 2025. Diplomati veteran njihej për komentet thumbuese për Perëndimin.

Para se të shërbente si ambasador, Darchievi kishte mbajtur disa pozita të tjera në Ministrinë e Jashtme të Rusisë, sipas Ambasadës së Rusisë në Shtetet e Bashkuara.