Trump: Venezuela do të fitojë më shumë para nën drejtimin e ShBA-së

Presidenti amerikan Donald Trump, po vazhdon fjalimin e tij në Davos, në forumin ekonomik, ku po iu drejtohet liderëve botërorë.

Në fjalimin e tij, ai foli pak edhe për Venezuelën, duke parashikuar se ky vend do të shkojë “jashtëzakonisht mirë” nën kontrollin e SHBA-së pas rrëzimit të ish-presidentit Nicolas Maduro, raporton Reuters.

“Venezuela do të fitojë më shumë para në gjashtë muajt e ardhshëm sesa ka fituar në 20 vitet e fundit. Çdo kompani e madhe nafte po bashkëpunon me ne. Është e mahnitshme” , tha ai.

Ai vlerësoi administratën e drejtuar nga presidentja e përkohshme Delcy Rodriguez, duke thënë se ajo kishte bashkëpunuar mirë me autoritetet amerikane.