Presidenti Donald Trump tha se një marrëveshje për garancitë e sigurisë që kërkon Ukraina pritet të arrihet sot, pas takimit me homologun ukrainas Volodymyr Zelensky, shkruan CNN, përcjell Reporteri.net.
Ai e bëri këtë deklaratë gjatë takimit me liderët evropianë.
“Besoj se sot do të arrijmë një zgjidhje për pothuajse gjithçka, përfshirë ndoshta edhe sigurinë,” u shpreh Trump.
Në fillim të deklaratës së tij, Trump i tha Zelenskyt “Kam ndjesinë se ti dhe Presidenti Putin do të arrini një marrëveshje. Në fund, kjo është një vendim që mund të merret vetëm nga Presidenti Zelensky dhe populli i Ukrainës, në marrëveshje me Presidentin Putin. Dhe unë thjesht mendoj se gjëra shumë të mira do të vijnë prej kësaj.”
Termat e sigurisë mund të përfaqësojnë një kompromis që synon të mbrojë Ukrainën pa e anëtarësuar atë në NATO – një hap që Rusia e ka kundërshtuar vazhdimisht.
I dërguari i posaçëm i Trumpit, Steve Witkoff, më herët i përshkroi këto garanci si “mbrojtje të ngjashme me nenin 5” – duke iu referuar nenit të traktatit të NATO-s që parashikon mbrojtje të ndërsjellë në rast sulmi ndaj një anëtari.
