Trump kërcënon Kanadanë me tarifë 100% për shkak të një marrëveshje tregtare me Kinën

Presidenti i SHBA-së, Donald Trump, tha të shtunën se do t’i vendosë Kanadasë një tarifë 100% nëse ajo vazhdon me një marrëveshje tregtare me Kinën, duke paralajmëruar kryeministrin kanadez Mark Carney se një marrëveshje e tillë do ta rrezikonte vendin e tij.

“Kina do ta hajë Kanadanë për së gjalli, do ta gllabërojë plotësisht, përfshirë shkatërrimin e bizneseve të saj, strukturës shoqërore dhe mënyrës së jetesës në përgjithësi,” shkroi Trump në Truth Social.

“Nëse Kanadaja bën një marrëveshje me Kinën, ajo do të goditet menjëherë me një tarifë 100% për të gjitha mallrat dhe produktet kanadeze që hyjnë në SHBA.”

Në një video të publikuar të shtunën, Carney u bëri thirrje kanadezëve të blejnë produkte vendore, por nuk e përmendi drejtpërdrejt kërcënimin e Trumpit për tarifa.

“Me ekonominë tonë nën kërcënim nga jashtë, kanadezët kanë bërë një zgjedhje për t’u fokusuar te ajo që mund ta kontrollojmë,” tha Carney. “Ne nuk mund të kontrollojmë çfarë bëjnë vendet e tjera, por mund të jemi konsumatori ynë më i mirë.”