Trump i jep ultimatum Iranit, i tregon se çfarë do të ndodh nëse e vrasin

Donald Trump ka lëshuar kërcënime të reja kundër Iranit, duke e paralajmëruar Teheranin se ka urdhëruar lëshimin e 1,000 raketave drejt vendit nëse ata tentojnë ta vrasin atë.

“1,000 raketa janë gati për t’u lëshuar dhe synojnë Republikën Islamike të Iranit, me mijëra të tjera që do të pasojnë menjëherë, nëse qeveria iraniane do të zbatojë kërcënimin e saj, të bërë në shumë vende të botës, për të vrarë ose për të tentuar të vrasë Presidentin e Shteteve të Bashkuara të Amerikës, domethënë, mua!”, theksoi presidenti amerikan në një postim në Truth Social.

“Urdhrat janë dhënë tashmë dhe ushtria amerikane është e gatshme, e gatshme dhe e aftë, për një periudhë prej një viti, me mundësi zgjatjeje, të shkatërrojë plotësisht të gjitha zonat e Iranit”, shtoi ai më tej.

Në të njëjtën kohë, sipas një raporti nga Axios, administrata Trump i ka dërguar një ultimatum Iranit që të pranojë deri sot, të shtunën, se Ngushtica e Hormuzit është e hapur dhe të angazhohet për të ndaluar sulmet ndaj anijeve tregtare