Trump: Hamas do të përballet me “shkatërrim të plotë” nëse refuzon të heqë dorë nga pushteti në Gaza

Në një intervistë për CNN, presidenti amerikan Donald Trump tha se Hamas do të përballet me “shkatërrim të plotë” nëse grupi militant palestinez refuzon të dorëzojë pushtetin dhe kontrollin e Gazës.

I pyetur nëse aleati i tij Benjamin Netanyahu është dakord me ndalimin e bombardimeve në Gaza, Trump i tha CNN të shtunën: “Po, për Bibin.”

Në intervistën e transmetuar të dielën, Trump shtoi se pret që së shpejti të dijë nëse Hamas është i përkushtuar ndaj paqes.

Plani i Trump kërkon që Hamas të kthejë të gjithë 48 pengjet – rreth 20 prej të cilëve Izraeli beson se janë ende gjallë – të heqë dorë nga pushteti dhe të çarmatoset, në këmbim të lirimit të qindra të burgosurve palestinezë dhe ndalimit të sulmeve të Izraelit.

Hamas, sipas CNN-it, ra dakord vetëm për tre pika: lirimin e të gjithë pengjeve, dorëzimin e pushtetit dhe tërheqjen e trupave izraelite nga Gaza.