Tr gra u plagosën nga një sulm me thikë në stacionet e metrosë së Parisit, ndërsa autori i dyshuar u arrestua menjëherë nga policia.
Ngjarjet ndodhën në tre stacione të metrosë: République, Arts et Métiers dhe Opéra. Autoritetet thanë se rreth orës 16:00, një burrë sulmoi tre gra me thikë në linjën 3 të metrosë, njëra pas tjetrës në stacionet République, Arts et Métiers dhe Opéra.
Policia identifikoi autorin duke përdorur pamjet e kamerave të sigurisë dhe të dhënat e gjeo-lokacionit nga telefoni i tij celular. Operatori i Transportit Publik Parizien, RATP, njoftoi se autoritetet u vunë menjëherë në ndihmë të viktimave, ndërsa policia mbërriti shpejt në vendngjarje dhe ekipet e sigurisë u vendosën në radhë, për të forcuar patrullimet në linjën e metrosë.
Të tre të plagosurat morën trajtim mjekësor dhe nuk raportohet për rrezik për jetën e tyre. Ngjarja ka tronditur publikun dhe ka shtuar masat e sigurisë në rrjetin e metrosë së Parisit. / Euronew s
