Sulm me raketa në Aeroportin Ndërkombëtar të Bagdadit, plagosen pesë persona

Pesë persona mbetën të plagosur pas një sulmi me raketa që goditi Aeroportin Ndërkombëtar të Bagdadit, sipas autoriteteve të sigurisë në Irak.

Kreu i Qelës së Medias së Sigurisë në Irak, gjenerallejtënant Saad Maan, tha se rreth orës 19:00 sipas kohës lokale aeroporti dhe zonat përreth u goditën nga pesë raketa.

Sipas tij, raketat ranë brenda ambienteve të aeroportit, duke goditur një stacion për shkripëzimin e ujit dhe zona pranë Bazës Ajrore Martir Alaa, si dhe afër Burgut Qendror Karkh.

Pas sulmit, autoritetet sekuestruan një lëshues raketash që ishte “i fshehur brenda një automjeti” në perëndim të Bagdad.

Zyrtarët thanë se të plagosurit përfshijnë një inxhinier dhe katër persona të tjerë nga stafi i aeroportit dhe personeli i sigurisë.