Një fluturim nga Turqia drejt Mançesterit është detyruar të bëjë ulje emergjente në Bruksel pas një përleshjeje mes pasagjerëve në bord .
Sipas raportimeve të Daily Mail, incidenti nisi pasi një pasagjer dyshohet se tentoi t’i vidhte telefonin një tjetri, duke çuar në përplasje fizike.
Situata u përshkallëzua më tej kur njëri nga të përfshirët, i cili sipas dëshmitarëve kishte konsumuar alkool, bëri komente raciste dhe u përball me stafin e kabinës për shkak të cigareve.