Ministri i mbrojtjes: Izraeli pret dritën jeshile të SHBA-së për ta kthyer Iranin në ‘epokën e gurit’

Ministri i mbrojtjes i Izraelit thotë se vendi i tij është i përgatitur të rinovojë luftën kundër Iranit dhe ta kthejë atë “në epokën e errët dhe të gurtë”, ka raportuar BBC..

Israel Katz thotë se ushtria izraelite po “pret dritën jeshile nga SHBA-ja – para së gjithash për të përfunduar eliminimin e dinastisë Khamenei” (Udhëheqësi Suprem i Iranit, Ajatollah Ali Khamenei, u vra nga sulmet SHBA-Izrael në ditën e parë të luftës).

Ai gjithashtu kërcënon ta kthejë “Iranin në epokën e errët dhe të gurtë” duke sulmuar infrastrukturën energjetike dhe ekonomike.

“Sulmi këtë herë do të jetë i ndryshëm dhe vdekjeprurës dhe do të shtojë goditje shkatërruese në vendet më të dhimbshme – që do të trondisin dhe shembin themelet e tij”, thotë Katz.

Kjo i bën jehonë një kërcënimi më parë në prill nga Presidenti i SHBA-së Donald Trump, i cili u zotua ta bombardojë Iranin “në epokën e gurtë” nëse nuk arrinte një marrëveshje “të pranueshme” për t’i dhënë fund luftës.