Shërbimi i provës paraqiti një raport pozitiv mbi sjelljen e tij gjatë vuajtjes së dënimit, i cili u konsiderua vendimtar për lirimin e parakohshëm. Edhe prokurori i çështjes u shpreh dakord në seancën gjyqësore për pranimin e kërkesës së Salianjit, raporton Euronewsalbania.
Vendimi është i ekzekutueshëm menjëherë pas shpalljes dhe ish-deputeti do të lerë sot qelitë e burgut.
Më 26 shtator 2024, Gjykata e Apelit mori vendimin për dënimin me një vit burg të ish-deputetit demokrat për “kallëzim të rremë” për denoncimin që bëri ndaj Geron Xhafës, vëllait të ish-ministrit Fatmir Xhafa.
Pas 9 muajsh në qeli dhe pas përmbushjes së 2/3-s së dënimit Salianji ka fituar lirinë. Partia Demokratike ka njoftuar se Salianji do të japë një konferencë për mediat në orën 17:00 në selinë blu.
