Irani pretendon se ka goditur qendra ushtarake dhe baza ajrore izraelite me raketa

Garda Revolucionare Islamike e Iranit ka deklaruar se shënjestër e sulmeve të tyre ishin qendrat ushtarake dhe bazat ajrore izraelite.

Në deklaratë thuhet se gjatë sulmeve ndaj Izraelit janë përdorur një kombinim i sistemeve të drejtuara me precizion dhe teknologji të avancuar.

“Shenjëstruam qendra ushtarake dhe baza ajrore që kanë shërbyer si burim i agresionit kriminal kundër vendit tonë”.

“Raportet nga terreni, pamjet satelitore dhe inteligjenca e përgjuar tregojnë se dhjetëra raketa balistike goditën me efikasitet objektiva strategjike”, thuhet në deklaratë, shkruan CNN.

Tutje, Irani tha se pavarësisht pretendimeve për shkatërrim të raketave, Izraeli nuk ka arritur t’i neutralizojë valët e sulmeve raketore.