Irani kërkon t’i japë fund luftës dhe të nisë bisedime me SHBA-në dhe Izraelin, sipas WSJ

Duke cituar disa zyrtarë të paidentifikuar, Wall Street Journal po raporton se Irani është duke dërguar sinjale urgjente se po kërkon përfundim të luftës dhe rifillim të negociatave për programin e tij bërthamor.

Sipas medias, Irani ka përcjellë mesazhe drejt Izraelit dhe SHBA-së përmes ndërmjetësve arabë. Ndërkohë edhe Reuters bazuar në burime, ka raportuar se Teherani i ka kërkuar Katarit, Arabisë Saudite dhe Omanit që të ushtrojnë presion ndaj presidentit amerikan Donald Trump, në mënyrë që ai të ndikojë mbi Izraelin për të pranuar një armëpushim të menjëhershëm me Iranin.

Bëhet e ditur se në këmbim, Irani do të tregonte fleksibilitet në negociatat për programin e tij bërthamor.

Thuhet se Irani gjithashtu ka përcjellë mesazhe drejt Izraelit, duke theksuar se është në interesin e të dyja palëve që përshkallëzimi i dhunës të frenohet.