E konfirmon ndërmjetësuesi nga Katari: Bisedimet SHBA-Iran kanë nisur

Ndërmjetësi për Katarin ka konfirmuar se bisedimet SHBA-Iran në Zvicër kanë filluar, sipas AFP-së.

Bisedimet midis Iranit dhe SHBA-së që synojnë ndërtimin e marrëveshjes së përkohshme të brishtë deri në fund janë përballur me vështirësi, përfshirë një vendim iranian për të mbajtur të mbyllur Ngushticën e Hormuzit në shenjë proteste pwr mos ndalimin e luftimeve në Liban, raporton TheGuardian.

Zëvendëspresidenti amerikan, JD Vance, i cili kryesonte delegacionin amerikan, tha më parë se po e shtonte Libanin në një axhendë që fillimisht ishte konceptuar për t’u përqendruar në hapjen e ngushticës, heqjen e sanksioneve amerikane mbi eksportet iraniane të naftës dhe zhbllokimin e aseteve iraniane të mbajtura jashtë vendit.

Delegacioni iranian udhëhiqet nga, Mohammad Bagher Ghalibaf, por prania e zëvendësministrit të naftës dhe guvernatorit të bankës qendrore të Iranit tregon se si Irani kishte dashur të përqendrohej në kushtet për heqjen e sanksioneve.

Ministria e jashtme zvicerane tha se delegacionet amerikane dhe iraniane, plus ndërmjetës nga Pakistani dhe Katari, ishin të gjithë të pranishëm në resortin luksoz.