Biden akuzon Trumpin: Po vepron në një mënyrë që e turpëron SHBA-në

Ish-presidenti amerikan Joe Biden akuzoi presidentin e SHBA-së Donald Trump se po e turpëron vendin.

“Dua vetëm që ta dini se ju punoni për ne, z. President. Ne nuk punojmë për ju. Ju punoni për ne, jo vetëm për miliarderë dhe milionerë. Dua të them, sinqerisht, jam i zemëruar. Kjo është demokraci, dhe fakti është se nuk ka mbretër në demokraci, asnjë. Por ju veproni në një mënyrë që na turpëron si komb”, tha Biden në një aktivitet të Partisë Demokratike në Omaha, Nebraska.

Ish-udhëheqësi amerikan e krahasoi shembjen e fundit të Krahut Lindor të Shtëpisë së Bardhë me qasjen e Trump ndaj të gjithë vendit.

“A e pa ndokush se çfarë i ka bërë ai Krahut Lindor të Shtëpisë së Bardhë? Është një simbol i përsosur i presidencës së tij”, tha Biden. Sipas mendimit të tij, Trump po bën të njëjtën gjë me “Kushtetutën, sundimin e ligjit dhe demokracinë”.