Aksident në Rrugën e Kombit, kamioni humbë kontrollin

Një kamion është përplasur me trafikndarësen në Rrugën e Kombit, por fatmirësisht janë shkaktuar vetëm dëme materiale.

Paraprakisht mësohet se në afërsi të fshatit Kolsh, kamioni ka pësuar defekt në sistemin e frenimit, ndërsa drejtuesi i tij ka humbur kontrollin mbi mjetin.

Megjithatë, ai ka arritur të dalë në kohë nga automjeti, pa pësuar lëndime, shkruan Abcnews.al.

Policia ndodhet në vendngjarje dhe po punon për zbardhjen e plotë të rrethanave të ngjarjes.