Mungesa e vitaminës B12: Ja ç’duhet të dini

Nëse nuk hani mish, ndoshta jeni mësuar me pyetjet që ju bëhen vazhdimisht si: “A ju kanë ardhur në majë të hundës perimet?” “Nga i merr proteinat?”

Sado të bezdisshme të jenë këto pyetje me qëllim të mirë, ka diçka që duhet të merret në konsideratë: Faktin se sa vitaminë B12 merrni?

Së pari, çfarë është vitamina B12?

Vitamina B12 ndihmon në mbajtjen e gjakut dhe qelizave nervore të shëndetshme. Ajo luan rol thelbësor në formimin e qelizave të kuqe të gjakut, metabolizmin e qelizave, funksionin nervor dhe prodhimin e ADN-së, molekulave brenda qelizave që mbartin informacionin gjenetik.

Nga e marrim vitaminën B12?

Pavarësisht nga roli i rëndësishëm i vitaminës B12 në shëndetin tonë, trupi nuk mund ta prodhojë atë vetë. Këtu hyn në punë dieta! Burimi kryesor i vitaminës B12 janë proteinat shtazore si mishi, peshku, vezët dhe bulmeti. Por nëse nuk hani proteina shtazore, ka ende disa mënyra për të marrë vitaminën B12 përmes dietës. Drithërat, qumështi i sojës dhe qumështi i bajames janë të pasura me këtë vitaminë, ndërsa kërpudhat përmbajnë sasi të vogla.

Sa vitaminë B12 është e mjaftueshme?

Sasia e duhur e vitaminës B12 që ju nevojitet ndryshon në varësi të moshës, dietës, gjinisë, stilit të jetesës dhe gjendjeve specifike mjekësore. Shumica e të rriturve të shëndetshëm kanë nevojë për 2.4 mikrogramë vitaminë B12, e krahasueshme me dy gota qumësht me 2% yndyrë në ditë.

Çfarë ndodh nëse nuk merrni mjaftueshëm vitaminë B12?

Njerëzit që kanë mungesë të vitaminës B12 mund të përjetojnë çrregullime hematologjike dhe neurologjike. Rreziqet e tjera shëndetësore janë anemia, ngërçet, mpirja ose ndjesi shpimi gjilpërash për shkak të mungesës së kapacitetit për të rigjeneruar qelizat e gjakut