Ministri Peci: Bashkëpunimi i qytetarëve përgjigje ndaj kundërshtarëve të Qeverisë

Ditë më parë, ministri Faton Peci bëri të ditur fuqizimin e ligjit për kontrollimin e pirjes së duhanit në hapësira të mbyllura. 

Përmes një postimi në Facebook ministri Peci  ka çmuar lart bashkëpunimin e qytetarëve për të raportuar rastet e shkeljes së ligjit për pirjen e duhanit, transmeton GazetaDemos.

“Në ditën kur qytetaret shohin vendosmërinë e shtetit, për ta bërë të zbatueshëm një rregull qe bëhet për ta uajtur shëndetin dhe jetën e tyre ata menjëherë ndryshojnë sjellje dhe e përqafojnë e mirëpresin. Duhanpirës dhe joduhanpirës po i shijojnë shërbimet e kafiterive tona pa tym duhani” ka shkruar Peci.

Midis tjerash ai e ka parë këtë reflektim të qytetarëve edhe si kundërpërgjigje ndaj  gjithë atyre qëe shohin punën e Qeverisë si të painters për mirëqenien qytetare.

“Për më tepër, përtej ndërgjegjsimit qytetar që është më se i dukshëm, urojmë të reflektojnë të gjithë ata që përpiqen që jo vetëm ta minimizojnë punën tonë, por edhe ta ulin poshtë vullnetin e qytetarëve për bashkëpunim.”/Demos/

Më poshtë gjeni postimin e plotë të ministrit Peci: