Xheneta Fetahu i “pengon” Leonora Jakupin si opinioniste – kërkon që të rikthehet Valdrin Sahiti

Xheneta Fetahut duket se nuk po i pëlqen aspak roli i Leonora Jakupit si opinioniste në Big Brother VIP Kosova.

Ajo ka shprehur hapur pakënaqësinë e saj përmes një postimi të fundit në InstaStory, ku ka lënë të kuptohet se mendon se opinionet e dhëna në spektakël nuk kanë nivelin e duhur të artikulimit.

Në reagimin e saj, Xheneta ka kërkuar rikthimin e stilistit Valdrin Sahiti, i cili ishte pjesë e spektaklit për një ditë si opinionist zëvendësues dhe u prit me shumë komente pozitive nga publiku.

Foto: Instagram

“Kur opinioni s’ka artikulim, debati humb kuptimin. Ndoshta është koha me e pa prapë Valdrin Sahiti si opinionist”, ka shkruar Fetahu në InstaStory.

Deklarata e saj ka nxitur reagime të shumta në rrjetet sociale, ku ndjekësit janë ndarë mes atyre që mbështesin mendimin e Xhenetës dhe atyre që dalin në mbrojtje të Jakupit.

Ndërkaq, Xheneta këtë vit mban rolin e opinionistes në “Big Talk Kosova” bashkë me Vlorijan Halilin.

E krahas Leonorës këtë vit është sërish aktorja Olta Gixhari.