Ndodhitë e fundit në shtëpinë e Big Brother VIP Kosova kanë ngritur shqetësime serioze, pasi banorja më e re, Elijona Binakaj, është vendosur në qendër të tensioneve dhe situatave të papëlqyeshme.
Vetëm 18 vjeç, Elijona iu bashkua programit me synimin për të sfiduar veten, por familja e saj thotë se ajo po përballet me situata që i kalojnë kufijtë e lojës dhe të argëtimit.
Pas momenteve të fundit, ku ajo është parë nën presion të vazhdueshëm dhe madje e penguar fizikisht nga banoret Benita dhe Alba, familja ka reaguar me tone të forta.
Në një deklaratë urgjente, familja Binakaj kërkon ndërhyrje të menjëhershme, duke theksuar se sjelljet ndaj Elijonës janë të papranueshme dhe rrezikojnë mirëqenien e saj.
“Me shumë shqetësim kemi parë disa situata ku Elijona është vënë nën presion psikologjik. Intimidimi, heshtja e detyruar apo pengesat fizike ndaj saj janë të patolerueshme,” thuhet në deklaratë.
Reagimi i plotë: Gjatë orëve të fundit kemi ndjekur me shqetësim të madh disa situata të transmetuara nga shtëpia e Big Brother, ku Eliona është vendosur nën presion psikologjik dhe sjellje të papranueshme nga disa banorë. Në veçanti, veprimet që përfshijnë intimidim, heshtje të detyruar ose veprime fizike penguese ndaj saj, janë të papranueshme për ne si familje.
Ne kërkojmë me urgjencë që produksioni të ndërhyjë menjëherë, të vlerësojë situatën me seriozitet dhe të marrë masat e nevojshme për të garantuar mirëqenien, sigurinë dhe të drejtën e Elionës për të qëndruar në një ambient të shëndetshëm e të drejtë.
Eliona është aty për të konkurruar, jo për t’u përballur me forma presioni apo provokime që tejkalojnë kufijtë e lojës. Kërkojmë transparencë dhe reagim të menjëhershëm. Faleminderit të gjithëve që tregoni kujdes dhe mbështetje.”
View this post on Instagram A post shared by Elijona Binakaj (@elijona)
