Atmosfera brenda shtëpisë së “Ferma VIP” është tensionuar ndjeshëm gjatë orëve të vona të natës, ku një diskutim mes banorëve ka degraduar në një përplasje të fortë verbale, duke sjellë një nga momentet më të nxehta të këtij edicioni.
Në qendër të këtij episodi ka qenë Zhaku, e cila duket se ka humbur kontrollin gjatë debatit, duke ngritur tonet dhe shpërthyer me nervozizëm përballë banorëve të tjerë. Situata nisi fillimisht si një bisedë mes grupit në oborr, ku banorët po diskutonin së bashku, por tensioni u rrit shumë shpejt.
Zhaku ka shprehur hapur pakënaqësinë e saj për qëndrimin brenda fermës, duke lënë të kuptohet se presioni emocional dhe dinamika e fortë mes konkurrentëve kanë ndikuar ndjeshëm tek ajo. Mes toneve të larta, ajo kujtoi edhe sakrificat që, sipas saj, ka bërë për t’u bërë pjesë e këtij formati.