“Të njoh shumë mirë”, Benita dhe Edi njihen nga jashtë? Fotografitë që po trazojnë rrjetin

Debatet rreth marrëdhënies së mundshme midis Edit dhe Benita Zenës po marrin hov në Big Brother VIP Kosova 4, pasi një fotografi e vjetër e tyre ka nisur të qarkullojë me shpejtësi në rrjetet sociale.

Gjatë qëndrimit në shtëpi, të dy kanë deklaruar se nuk njihen nga jashtë. Madje ishte vetë Edi ai që ngjalli dyshime i pari, duke treguar se para hyrjes në BBVK kishte pranuar një kërkesë për shoqëri nga Benita, por se nuk kishin pasur ndonjë kontakt apo njohje të mëparshme.

Megjithatë, duket se realiteti mund të jetë krejt tjetër. Një fotografi e publikuar në vitin 2019, ku Edi dhe Benita shfaqen së bashku, ka bërë që fansat të vënë në pikëpyetje deklaratat e tyre. Në imazh, dyshja duken të afërt, duke lënë të kuptohet se mes tyre ka pasur një raport shumë më të ngushtë se sa po pretendojnë sot.

Pamjet e vjetra tashmë po shpërndahen kudo në TikTok, Instagram dhe X, ndërsa komentet e fansave nuk kanë të ndalur, raporton Telegrafi. Shumë prej tyre kërkojnë sqarime, duke u shprehur se kjo fotografi hedh poshtë pretendimin e të dyve se nuk janë njohur më parë.

Derisa produksioni nuk ka dhënë ndonjë reagim, publiku vazhdon të diskutojë me ngulm mbi këtë “mister të së kaluarës” që mund të ndryshojë dinamiken e lojës brenda shtëpisë.