Teksa rrjetet sociale në Kosovë janë përfshirë nga trendi më i fundit ku personazhet e njohura po përdorin inteligjencën artificiale për të imagjinuar veten në vitet ’80, disa nga emrat e skenës kanë zgjedhur një rrugë krejt tjetër: atë të nostalgjisë reale.
Këngëtarja Gili ka hapur arkivën e saj personale duke ndarë me ndjekësit një fotografi të vitit 1985, ku shfaqet krah bashkëshortit të saj, Ilir Beranit, Aida Burakut, gjatë kohës së grupit “Trio Rona”.
Me modelin ikonik të flokëve dhe veshjet e asaj dekade, Gili shkroi shkurt: “Pa filter, pa AI”, duke nxjerrë në pah origjinalitetin e kujtimeve të vërteta.
Këtij trendi të fotove autentike i janë bashkuar sot edhe figura të tjera të dashura për publikun. Këngëtarja Shyhrete Behluli ka ndarë me ndjekësit një imazh nostalgjik krah bashkëshortit të saj, Lulit, ndërsa edhe Adelina Ismaili ka publikuar një fotografi të saj nga e kaluara, duke risjellë me krenari stilin dhe elegancën e atyre viteve.