Një deklaratë e këngëtares Jonida Maliqi ka shkaktuar një përplasje në distancë me Rozana Radin.
E ftuar në emisionin “Goca dhe Gra”, gjatë një loje ku panelistet duhej të përmendnin një artist të mbivlerësuar, Jonida zgjodhi emrin e Rozana Radit.
Ajo theksoi se e vlerëson Rozanën si artiste, poete dhe aktore, por jo për aftësitë e saj vokale.
“Vokalisht nuk e vlerësoj dhe mendoj që ka pasur mbivlerësim”, u shpreh Maliqi.
Deklarata nuk kaloi pa një reagim nga Rozana, e cila zgjodhi t’i përgjigjej publikisht dhe me ironi koleges së saj.
